طريقة عمل البرازق فاطمه ابو حاتي
المقادير
- 4كوب دقيق منخول
- كوب زبدة بدرجة حرارة المطبخ
- كوب سكر بودرة
- نصف كوب زيت
- نصف كوب لبن بودرة لو متوفر
- ملعقة كبيرة بيكينج بودر
- بيضة
- ملعقة صغيرة فانيليا
- ذرة ملح
- 2 ملعقة كبيرة ماء حسب الحاجة
للوجة
- 2 ونصف كوب سمسم محمص
- نصف كوب فستق مجروش
- 6 ملاعق كبيرة شربات تقيل
الطريقة :
- في بولة وبالمضرب اليدوي او الكهربائي واخلطيهم نزلي الزبدة اخلطي فكيها اول متفك نزلي عليها السكر اخلطيهم مع بعض ونزلي عليهم البيضة والفانيليا واول متتخلط نزلي الملح والدقيق ولبن البودرة والبيكينج بودر قلبي كل المكونات مع بعض يدوب تلمي المكونات مع بعض لو حسيتي انها ناشفة وبتششق في التشكيل ضيفي المية وغطيها وسبيها في التلاجة نص ساعة .
- بعد مخرجها ابتدي اكورها كور صغيرة وانزلها علي الفستق وانزلها علي صنية الومنيوم مدهونة زيت يكون الفستق لتحت ومن فوق انزل خليط انا خلطة السمسم مع العسل التقليل وانزل منهم ع الوش وادهن ضهر كوباية ملسا بالزيت وابتدي اضغط عاوزه سمكها اقل من نص سنتي واكمل الكمية بنفس الطريقة .
- دخلي الصواني علي فرن سخن علي 170درجة لمده 10دقايق ع الشبكوة ولازم تخلي بالك عشان ميلسعش اول مياخد لون دهبي خرجية واحفظية في علبة نضيفة وناشفة وفي مكان ميكونش رطوبة وبالهنا .