طريقة عمل الفطير المقلى فتكات
المقادير
2 كوب دقيق
2 معلقة صغيرة خميرة فورية
معلقة كبيرة سكر
ربع معلقة صغيرة بيكنج بودر
ذرة ملح
كوباية الا ربع كوب لبن دافىء للعجن
التحضير
حطيت الدقيق والبيكنج بودر والخميرة والملح والسكر مع بعض
الطهى
عجنت باللبن لغاية ما العجينة لمت معاى
(ممكن تاخدى مقدار اللبن كله او اقل حسب نوع الدقيق)اسيب العجينة تخمر
بعد ما تخمر افردها بالنشابة سمكها ولا تخينة ولا رفيعة وسط كده
وقطعيها زى ما تحبى انا قطعتها بقطاعة البيتزا المشرشرة
تدفى الزيت ميكونش سخن اوى علشان متستويش الفطاير وقلبها نى
تخلى النار هادية وتقلبيه لغاية ما ياخد لون دهبى جميل
على فكرة مش بيشرب زيت خالص
انا عملته واكلته مع عسل اسود وممكن ابيض وممكن تاكليه حادق بجبنة
ومن حلاوته ممكن تاكليه حاف زى ما بنتى عملت
وصفة سهلة ومغذية للاطفال لانها معجونة بلبن وتتعمل فى نص ساعة وتاكليها بالهنا والشفا
و يمكنك الاطلاع على معلومات أكثر حول طريقة عمل الفطير المقلى فتكات