ماذا تضمنت تصريحات الفنانة المصرية بوسي شلبي بشأن مهرجان الجونة السينمائي
الاجابة
اعتبرت الإعلامية المصرية بوسى شلبى أن مهرجان الجونة السينمائى مختلف تماما عن أى مناسبة أخرى ، مشيرة إلى أن السبب هو وجود "البحر" فى الجونة.
وأضاف بوسي ، في حديث مع الموقع الفني "فوشيا" ، أثناء حضوره إحدى فعاليات مهرجان الجونة السينمائي ، الدورة الرابعة التي تقام في الفترة الحالية:“بعتبر الجونة مختلف لأنه شوية صيفى. بعكس مهرجان القاهرة، بيحتاج شغل كتير وتقيل أكتر”.
وتابعت: “مهرجان الجونة أكثر روشنة وواخد طبع المدينة الساحلية. إحنا لما بنيجي الجونة بنبقى روشين ومفرفشين”.
وأضافت: “حتى مهرجان إسكندرية بحس إنه مختلف عن أي حاجة بسبب وجود بحر. ده بيخلي الموضوع مختلف، لما بتروحي الساحل بتاخدي معاكي لبس مختلف عن اللي بتاخديه معاكي وإنتي رايحة مكان تاني”.
وتابعت: “الناس بيتعاملوا مع مهرجان الجونة على إنه (كان)، فبقى ياخد شكل تاني في اللبس والستايل وبنحاول نغير على قد ما نقدر”.
وتابعت: “أنا كنت بشتغل قبل ما أتجوز محمود عبد العزيز بـ7 أو 8 سنوات، اللي حببني في المهرجانات كانت أحلام شلبي أختي مش محمود، لإنها كانت بتشتغل قبلي وكنت بروح معاها”.
وتحدثت عن ذكرياتها عن المهرجان الأول الذي حضرته فقالت: “أول مهرجان حضرته كان إسكندرية السينمائي، سنة 1978 وكانت أول دورة. ومحمود عبد العزيز كان متواجد، وأنا حبيته في الدورة دي وكان عندي 13 سنة، كان بيعمل فيلم مع شيريهان وبيصوروه في إسكندرية”.
وتابع بوسي شلبى: “هو مكنش متجوز ولا أي حاجة، كان مشهور بس يعتبر في البداية لسة. وأنا كنت طفلة ورحت مع أختي، قولتلها إني هتجوز محمود عبد العزيز، علشان كده بحب مهرجان إسكندرية”.
وختمت قائلة: “من 78 قعدت أحب محمود لحد ما اتجوزته وعشت معاه 20 سنة، وربنا يرحمه وأسعدوني بصورة كده عملوها في المهرجان حسيت إنه معايا. وأنا دايما بحس إنه معايا في كل مكان”.